Dünən (26 iyul) qardaşı oğlu Cavidan Hüseynov “Bizim Yol” qəzetinin əməkdaşı, 2 saylı cəzaçəkmə müəssisəsində cəza çəkən Müşfiq Hüseynovla görüşüb. Bu barədə Reportyorların Azadlıq və Təhlükəsizlik İnstitutuna (RATİ) Cavidan Hüseynov məlumat verib.
Onun sözlərinə görə, M.Hüseynov saxlanma şəraitindən narazılıq etməyib. “Müşfiq bildirdi ki, siyasi məhbus məsələsi ilə bağlı monitorinq aparan hüquq müdafiəçiləri Novella Cəfəroğlu, Səadət Bənənyarlı və Səidə Qocamanlı bir neçə gün öncə onunla görüşüblər” – deyə C.Hüseynov əlavə etdi ki, M.Hüseynov səhhəti ilə əlaqədar cəzaçəkmə müəssisəsinin tibb məntəqəsində müalicəsini davam etdirir.
Xatırladaq ki, M.Hüseynov 2007-ci il, iyulun 24-də həbs olunub. Ona qarşı CM-nin 311-ci maddəsi (rüşvət alma ) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellasiya Məhkəməsi isə M.Hüseynovun cəzasını 1 il azaldıb.
Xatırladaq ki, M.Hüseynov 2007-ci il, iyulun 24-də həbs olunub. Ona qarşı CM-nin 311-ci maddəsi (rüşvət alma ) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellasiya Məhkəməsi isə M.Hüseynovun cəzasını 1 il azaldıb.