HƏYAT YOLDAŞI SAKİT ZAHİDOVLA GÖRÜŞÜB

mart 5th, 2009
Dünən (4 mart) ailə üzvləri 10 saylı cəzaçəkmə müəssisəsində cəza çəkən həyat yoldaşı, “Azadlıq” qəzetinin əməkdaşı, satirik yazar Mirzə Sakitlə (Sakit Zahidov) görüşüb.

Bu xəbəri Reportyorların Azadlıq və Təhlükəsizlik İnstitutuna (RATİ) verən  R. Zahidova, jurnalistin saxlanılma şəraitindən və cəzaçəkmə müəssisəsinin əməkdaşlarının ona qarşı münasibətindən narazılığının  olmadığını lakin ürək ağrılarından şikayətləndiyini bildirib. R. Zahidova eyni zamanda, M. Sakitin son zamanlar əfvlə bağlı gedən söhbətlərə inanmadığını və Avropa Şurası Parlament Assableyasının (AŞ PA) Azərbaycanda siyasi məhbuslar üzrə məruzəçisinin təyin olunacağına ümüd etdiyini də bildirib.
Xatırladaq ki, M. Sakit  2006-ci il iyun ayının 23-də narkotik vasitə ilə şərlənərək  həbs olunub və Ağır Cinayətlərə Dair İşlər üzrə Məhkəmənin qərarı ilə üç il müddətinə azadlıqdan məhrum edilib.