Həbsdə olan jurnalist, “Azadlıq” qəzetinin əməkdaşı Mirzə Sakitin səhhəti ağırdır.
Bu haqda RATİ-yə jurnalistin həyat yoldaşı Rəna Zahidova xəbər verib. R. Zahidova isə məlumatı jurnalistin saxlandığı 14 saylı Cəzaçəkmə müəssisəsində qardaşına baş çəkən bir şəxs verib. Həmin şəxsin adını çəkmək istəməyən Zahidova Sakitin vəziyyətinin lap pis olduğunu söyləyib: “Sakit həmin şəxslə mənim ona bəzi dərmanlar alıb göndərməyimi istəyib. Onun vəziyyəti olduqca ağırdır”.
Sabah (14 may) jurnalistin yanına getməyi planlaşdıran Zahidova Sakitə görə çox narahat olduğunu əlavə etdi.
RATİ məsələ ilə əlaqədar Penitensiar Xidmətin İctimaiyyətlə Əlaqələr Şöbəsi ilə əlaqə saxladı. Şöbədən bu haqda onlarda heç bir məlumatın olmadığını bildirdilər.