Şəmkir, Göygöl və Gəncədə “Hürriyyət” qəzetinin satışına qadağa qoyulub.
Bu haqda RATİ-yə qəzetin redaktoru Süleyman Məmmədli məlumat verib. Onun sözlərinə görə, artıq bir həftədir ki, rayon icra hakimiyyəti başçıları tərəfindən adıçəkilən şəhərlərdə qəzetin satışına qadağa qoyulub. “Qəzetimizdə bu bölgələrdəki səhiyyə sistemində, hərbi komissarlıqlarda və universitetlərdə rüşvətxorluq halları ilə bağlı yazılar dərc olunmuşdur. Qəzetimizin satışına da yəqin ki, bu səbəbə görə qadağa qoyulub. Əgər bu qadağalar davam edərsə ilk öncə dövlət başçısına, daha sonra hüquq mühafizə orqanlarına müraciət edəcəyik ”.