Cavabdeh tərəfin nümayəndələri yaranmış vəziyyəti Yasamal rayon Məhkəməsinin sədri ilə aydınlaşdırmaq üçün prosesi tərk ediblər. Daha sonra hakim başqa bir məhkəmə zalına keçərək prosesi açıq elan etdi və cavabdehin tərəfin nümayəndələrinin prosesə gəlmədiyini əsas gətirərək məhkəmənin hazırlıq iclasını 10 dekabr saat 11:30-a təyin etdi.
Qeyd edək ki, prosesdən əvvəl və sonra məhkəmənin qarşısında “Dalğa” Gənclər təşkilatı, “Yeni Müsavat” və “Azadlıq” qəzetinin əməkdaşları “Ayı kababı üçün 1 milyon – təqaüd üçün 100 manat!”, “Ayını yeyib hesabını qəzetlərə ödətməyin!”, “Ziya Məmmədov Mətbuatla Düşmənçiliyə son qoy!”, “Mətbautdan və ayılardan əl çəkin!” şüarları ilə piket keçirdilər.
Xatırladaq ki, Anar Məmmədov “Azadlıq” qəzetinin 01 iyul 2010-cu il tarixli sayında “Kəmaləddin Heydərovun ayısını yedilər”, “Yeni Müsavat” qəzetinin isə 02 iyul 2010-cu il tarixli sayında əlavələrlə eyni məqalənin çapı və “Yeni Müsavat” qəzetinin 14 sentyabr tarixli sayında “Şeyx Anar Məmmədovu Dubaydan qovdu” başlıqlı məqalələrində özünün şərəf və ləyaqətinə toxunulduğunu, işgüzar nüfuzuna xələl gətirildiyini iddia edərək, məhkəməyə müraciət edib və təzminat olaraq hər qəzetdən 250 000 (min) manat məbləğində pul tələb edir.
Qeyd edək ki, “Kəmaləddin Heydərovun ayısını yedilər” məqalələrdə iş adamı Anar Məmmədovun Qəbələ rayonunda yerləşən istirahət mərkəzlərinin birində saxlanılan ayını bir milyon manat qarşılığında kəsdirərək yeməsindən söz açılır, digər məqalədə isə Anar Məmmədovun dostları ilə Dubaydan ictimai qaydaları pozmasına görə qovulduğu bildirilir.
Hər iki qəzet 1989-cu ildən fəaliyyət göstərir və gündəlik nəşr olunurlar.
Fotolar: http://www.irfs.az/component/option,com_datsogallery/Itemid,30/func,viewcategory/catid,676/lang,az/