Uzun illər Amerika Birləşmiş Ştatlarının Azərbaycandakı səfirliyinin mətbuat şöbəsinin rəhbəri olmuş Sevinc Osmanqızı tutduğu vəzifədən gedib.
“Lent.az”-ın məlumatına görə, bunu jurnalistlərə açıqlamasında ABŞ-ın Azərbaycandakı səfiri xanım Enn Dörsi deyib.
Osmanqızının özü də “Bakı xəbər” qəzetinə müsahibəsində bu faktı təsdiqləyib. O bildirib ki, daha çox jurnalistika ilə məşğul olmaq və rəhbəri olduğu “Qadın Jurnalistlər Birliyi”ndəki işlərinin genişləndirmək məqsədilə səfirlikdə tutduğu vəzifədən istefa verib. Osmanqızı istefa verməsinin başqa heç bir səbəbinin olmadığını deyib.