“TOLIŞİ SƏDO” QƏZETİNİN BAŞ REDAKTORUNUN OĞLU MƏHKƏMƏ ZALINDAN AZADIĞA BURAXILDI

Bu gün (07 oktyabr) Səbayel rayon Məhkəməsində hakim Rauf Əhmədovun sədrliyi ilə “Tolışi sədo” (“Talışın səsi” – red.) qəzetinin həbsdə olan baş redaktoru Novruzəli Məmmədovun (http://216.239.59.104/search?q=cache:f8Xj47QO1i8J:www.irfs.az/content/view/1107/28/lang,az/+Novruz%C9%99li+M%C9%99mm%C9%99dov+h%C9%99bs+edildi&hl=ru&ct=clnk&cd=5&gl=az) oğlu Emil Məmmədovun işi üzrə məhkəmə prosesi keçirilib.

Hakim sübutların çatışmadığını qeyd edərək E. Məmmədovun məhkəmə zalından azad edilməsi haqqında qərar verib. Bu barədə RATİ-yə E. Məmmədovun vəkili Hilal Məmmədov məlumat verib.Qeyd edək ki, məhkəmə prosesi media nümayəndələri üçün qapalı keşirilib.Belə ki, E. Məmmədovun bu il iyulun 16-da üzərində az miqdarda narkotik maddə ilə saxlanıldığı bildirilirdi. O, Cinayət Məcəlləsinin 234.1-ci (narkotik maddənin saxlanılması və istifadəsi) maddəsi ilə ittiham edilirdi.
Xatırladaq ki,  “Tolışi Sədo” qəzetinin  baş redaktoru, Milli Elmlər Akademiyasının şöbə müdiri Novruzəli Məmmədovun 2007-ci il fevralın 2-də Milli Təhlükəsizlik Nazirliyi tərəfindən həbs edilib.  Daha sonra məhkəmənin hökmü ilə o 10 il müddətinə azadlıqdan məhrum edilib. O Azərbaycan Respublikası Cinayət Məcəlləsinin 274-cü (dövlətə xəyanət) və 283-cü (milli, irqi, dini düşmənçiliyi yayma) maddələri ilə ittiham olunub. Bu səbəbdən də RATİ baş redaktorun oğlunun şərlənərək həbs edildiyini istisna etmirdi.

Previous Post

QƏZETLƏRİN BANK HESABLARINA QOYULMUŞ HƏBS GÖTÜRÜLÜB

Next Post

MEDİA MONİTORİNQİ İLƏ BAĞLI NÖVBƏTİ HESABAT AÇIQLANIB

Leave a Reply

Your email address will not be published.

Start typing to see posts you are looking for.