Nəqliyyat naziri Ziya Məmmədovun oğlu, ZQAN holdinqin prezidenti Anar Məmmədovun Gündəm xəbər qəzetini məhkəməyə verib. Bu barədə RATİ-yə qəzetin təsisçisi Şirin Cəfərli məlumat verib.
“Bu gün Anar Məmmədov “Gündəm Xəbər” qəzeti ilə bağlı məhkəməyə müraciət edib və qəzetdən 30 min manat tələb edib. Anar Məmmədov qəzetin 24 avqust 2012-ci il tarixli sayında dərc olunmuş “Nazir oğlu ölkənin dəmiryol nəqliyyatını ələ keçirir” başlıqlı yazını iddiası üçün əsas götürüb. Məhkəmə iclası hakim Sərdar Mehrəliyevin sədrliyi ilə 05 oktyabr 2012-ci il tarixə Yasamal Rayon Məhkəməsinə təyin edilib”, – deyə qeyd edən Ş.Cəfərlinin sözlərinə görə, məhkəmənin iddia ərizəsi redaksiyaya ZQAN holdinqin firma blankı olan zərfdə gəlib.
