Həbsxanada dünyasını dəyişmiş “Tolışi-Sədo” qəzetinin baş redaktoru, Novruzəli Məmmədovun ölümü ilə bağlı xəbər Hüquq Müdafiəçilərinin Cənubi Qafqaz Şəbəkəsini dərindən sarsıtdı.Hüquq Müdafiəçilərinin Cənubi Qafqaz şəbəkəsi Human Rights House Foundation təşkilatının jurnalistin ölümü ilə bağlı qərəzsiz və şəffaf tədqiqat aparılması üçün Azərbaycan hökumətinə ünvanladığı müraciəti dəstəkləyir.
68 yaşlı Novruzəli Məmmədov 2009-cu il avqustun 17-də vəfat etmişdir. “Azad Avropa” Radiosunun verdiyi məlumata əsasən, hüquq müdafiəçisi Elçin Behbudova həbsxana işçiləri tərəfindən bildirilmişdir ki, avqustun 17-də Novruzəli Məmmədovun səhhəti kəskin şəkildə pisləşmişdir. Məmmədovun vəkilinin verdiyi məlumata əsasən, Məmmədov Azərbaycanın beynəlxalq öhdəlikləri tərəfindən tələb olunan müalicə standartları ilə təmin olunmurdu.
2009-cu ilin yanvarında Novruzəli Məmmədovun səhhəti 15 saylı həbsxanada “karserə” köçürüldükdən sonra pisləşməyə başlayıb. 2009-cu ilin mart ayında Bakı məhkəməsi Məmmədovun tibbi müalicə ilə təmin olunması üçün xəstəxanaya köçürülməsi ilə bağlı qərar çıxarsa da, bu beş aydan sonra baş tutdu. 2009-cu il iyulun 28-də Məmmədov Ədliyyə Nazirliyinin Penitensiar Sisteminin Mərkəzi Xəstəxanasına yerləşdirildi. Onun ölümündən iki həftə əvvəl, hakimiyyət orqanları Avropa Şurasının xüsusi nümayəndələrinin Azərbaycana beynəlxalq səviyyəli həkimlərin gətirilməsi təklifinə etiraz etdilər.
Human Rights House Foundation beynəlxalq və yerli təşkilatlar tərəfindən verilən xəbərdarlıqları hökumətin yerinə yetirməməsi və Məmmədovu həbsdə saxlaması faktlarını pisləyir. Biz təəssüf edirik ki, beynəlxalq və yerli fiqurların Məmmədovun mülki xəstəxanaya köçürülməsi ilə bağlı Azərbaycan hökumətinə müraciət etməsinə baxmayaraq, onun səhhəti pisləşən zaman hələ də Penitensiar Sistemin Mərkəzi Xəstəxanasında saxlanılırdı.
Novruzəli Məmmədov həbsxanada vəfat edən ilk şəxs deyil: siyasi aktivist Faina Kungurova 2007-ci ilin noyabrında həmin xəstəxanada ürək çatışmazlığından vəfat etmişdir.
Hüquq Müdafiəçilərini Cənubi Qafqaz Şəbəkəsi Human Rights House Foundation təşkilatı ilə birlgə Azərbaycan hökumətini:
* Azərbaycanın da tərəfdaş olduğu İnsan Haqlarının Avropa Konvensiyasında göstərildiyi kimi yaşamaq hüququna və qeyri-insani alçaldıcı davranışlardan azad olunmaq hüququna hörmət etməyə
* İnandırıcı sübutlarla Avropa Konvensiyasında tələb olunduğu kimi Məmmədovun ölümünə səbəb olan faktlar barədə həqiqətə uyğun məlumat verməyə
* Müstəqil tədqiqatın həyata keçirilməsi məqsədi ilə beynəlxalq və yerli QHT-lərə Məmmədovun saxlandığı həbsxanaya və xəstəxanaya girişə icazə verməyə çağırır.