Bu gün (13 oktyabr) Qubadlı rayon Məhkəməsində hakim Etibar Quliyevin sədrliyi ilə Abşeron rayon Ceyranbatan qəsəbəsinin bir qrup sakininin Cinayət Məcəlləsinin 127-ci (qəsdən sağlamlığa az ağır zərər vurma) və 221-ci (xuliqanlıq) maddələri ilə “Güzgü” qəzetinin müxbiri Kamran Bəyəliyevə (Kamran Səxavət) qarşı irəli sürdükləri ittiham üzrə məhkəmə prosesi keçirildi.
Prosesdə dövlət ittihamçısı çıxış edib və K.Bəyəliyev haqqında 2 il müddətinə islah işləri cəzası vermək barədə məhkəmə qərarının qəbul olunmasını xahiş edib.
Hakim E. Quliyev 15 oktyabr saat 11.00-da hökm elan ediləcəyini bildirib. Xatırladaq ki, 2009-cu il sentyabr ayının 11-də axşam saat 11 radələrində “Güzgü” qəzetinin müxbiri Kamran Bəyəliyev ilə Ceyranbatan qəsəbəsinin girişində Bakı-Sumqayıt magistral yolun üstündə Sabir Qafarova məxsus kafeni icarəyə götürmüş İdris Zeynalov və İmran Novruzov arasında mübahisə yaranıb. Mübahisə icarədarların K.Bəyəliyevdən işlətdikləri kafe barədə yazıları dayandırmağı tələb etmələri ilə başlanıb. Baş verən hadisə ilə bağlı K.Bəyəliyev haqqında məhkəməyə şikayət edilib.
“Güzgü” qəzeti 1992-ci il iyul ayının 22-dən ayda 1 və ya 2 dəfə çap olunan iqtidaryönlü satirik nəşrdir.
Hakim E. Quliyev 15 oktyabr saat 11.00-da hökm elan ediləcəyini bildirib. Xatırladaq ki, 2009-cu il sentyabr ayının 11-də axşam saat 11 radələrində “Güzgü” qəzetinin müxbiri Kamran Bəyəliyev ilə Ceyranbatan qəsəbəsinin girişində Bakı-Sumqayıt magistral yolun üstündə Sabir Qafarova məxsus kafeni icarəyə götürmüş İdris Zeynalov və İmran Novruzov arasında mübahisə yaranıb. Mübahisə icarədarların K.Bəyəliyevdən işlətdikləri kafe barədə yazıları dayandırmağı tələb etmələri ilə başlanıb. Baş verən hadisə ilə bağlı K.Bəyəliyev haqqında məhkəməyə şikayət edilib.
“Güzgü” qəzeti 1992-ci il iyul ayının 22-dən ayda 1 və ya 2 dəfə çap olunan iqtidaryönlü satirik nəşrdir.