Ali Məhkəmə “Azadlıq” qəzetinin baş redaktoru Qənimət Zahidin (Zahidov) əlyazmaları ilə bağlı Səbail rayon Məhkəməsinin çıxardığı hökmü qüvvədə saxlayıb. Bu barədə Reportyorların Azadlıq və Təhlükəsizlik İnstitutuna (RATİ) dünən (31 avqust) 17 saylı cəzaçəkmə müəssisəsində cəza çəkən həyat yoldaşı ilə görüşən Ayəndə Mürsəliyeva məlumat verib.
A. Mürsəliyeva bir neçə gün əvvəl Ali Məhkəmənin əlyazmalarla bağlı Səbail rayon Məhkəməsinin qərarını qüvvədə saxladığı barədə çıxardığı qətnamənin surətinin Q. Zahidə göndərildiyini dedi: “Qənimət Avropa Məhkəməsinə müraciət etməyi düşünür və bu instansiyanın məsələyə obyektiv yanaşacağına ümid edir” – deyə A.Mürsəliyeva bildirdi.
Xatırladaq ki, Q. Zahid 1 saylı Bayıl İstintaq Təcridxanasında saxlanıldığı zaman Azərbaycanın müasir tarixinə dair yazdığı 300 səhifədən ibarət kitabın əlyazmaları təcridxananın rəisi Misir Əliyev tərəfindən oxumaq adı ilə müəllifdən alınmışdı. Daha sonra isə M. Əliyev əlyazmalarda sabiq prezident Heydər Əliyev və hazırkı prezident İlham Əliyevin əleyhinə məlumatların əks olunduğunu əsas gətirərək kitabı məhv etdiklərini bildirmişdi. Baş redaktor bununla bağlı təcridxana rəhbərliyini məhkəməyə verərək, cavabdehlərin məsuliyyətə cəlb olunması, vurulan mənəvi ziyana görə, 1 000 000 (bir milyon) manat təzminat ödənməsini barədə iddia qaldırmışdı. Həm Səbail rayon məhkəməsi, həm də Apellyasiya məhkəməsi iddianın təmin edilməməsi ilə bağlı qərar çıxarmışdılar.
Baş redaktorun ayağındakı ağrılardan əziyyət çəkdiyini, lakin saxlanma şəraitindən şikayət etmədiyini deyən A.Mürsəliyeva RATİ-yə onu da bildirib ki, Q.Zahid səhhətindəki problemlərə baxmayaraq oruc tutur.
Əlavə edək ki, Ombudsman Aparatının əməkdaşları da bir neçə gün öncə 17 saylı cəzaçəkmə müəssisəsində Qənimət Zahidlə də görüşmüşdülər.
Xatırladaq ki, Qənimət Zahid (Zahidov) CM-nin 127.2.3 (xuliqanlıq niyyəti ilə qəsdən sağlamlığa az zərər vurma) ittiham olunaraq 3 il 6 ay, CM-in 221-ci maddəsi ilə ittiham edilməklə isə 6 ay olmaqla ümumiyyətlə, 4 il müddətinə azadlıqdan məhrum edilib.
Xatırladaq ki, Q. Zahid 1 saylı Bayıl İstintaq Təcridxanasında saxlanıldığı zaman Azərbaycanın müasir tarixinə dair yazdığı 300 səhifədən ibarət kitabın əlyazmaları təcridxananın rəisi Misir Əliyev tərəfindən oxumaq adı ilə müəllifdən alınmışdı. Daha sonra isə M. Əliyev əlyazmalarda sabiq prezident Heydər Əliyev və hazırkı prezident İlham Əliyevin əleyhinə məlumatların əks olunduğunu əsas gətirərək kitabı məhv etdiklərini bildirmişdi. Baş redaktor bununla bağlı təcridxana rəhbərliyini məhkəməyə verərək, cavabdehlərin məsuliyyətə cəlb olunması, vurulan mənəvi ziyana görə, 1 000 000 (bir milyon) manat təzminat ödənməsini barədə iddia qaldırmışdı. Həm Səbail rayon məhkəməsi, həm də Apellyasiya məhkəməsi iddianın təmin edilməməsi ilə bağlı qərar çıxarmışdılar.
Baş redaktorun ayağındakı ağrılardan əziyyət çəkdiyini, lakin saxlanma şəraitindən şikayət etmədiyini deyən A.Mürsəliyeva RATİ-yə onu da bildirib ki, Q.Zahid səhhətindəki problemlərə baxmayaraq oruc tutur.
Əlavə edək ki, Ombudsman Aparatının əməkdaşları da bir neçə gün öncə 17 saylı cəzaçəkmə müəssisəsində Qənimət Zahidlə də görüşmüşdülər.
Xatırladaq ki, Qənimət Zahid (Zahidov) CM-nin 127.2.3 (xuliqanlıq niyyəti ilə qəsdən sağlamlığa az zərər vurma) ittiham olunaraq 3 il 6 ay, CM-in 221-ci maddəsi ilə ittiham edilməklə isə 6 ay olmaqla ümumiyyətlə, 4 il müddətinə azadlıqdan məhrum edilib.