Vergilər Nazirliyi “Azadlıq Radiosu”nun Bakı bürosunda yoxlamalara başlayacaq. Bu barədə Reportyorların Azadlıq və Təhlükəsizlik İnstitutuna (RATİ) radionun Bakı bürosunun rəhbəri Xədicə İsmayılova məlumat verib.
O, bildirib ki, Vergilər Nazirliyindən daxil olan məktubda yoxlamaların may ayının 11-də başlayacağı göstərilib. X. İsmayılova əvvəllər belə yoxlamaların aparılmadığını da qeyd edib.
Qeyd edək ki, 2009-cu ilin yanvar ayının 1-dən 3 xarici radiostansiyanın – “Azadlıq” radiosu, “Amerikanın səsi” və BBC radiostansiyalarının yerli FM tezliklərində yayımı qadağan edilib. İndi bu radioları yalnız qısa dalğada (SW), peyk vasitəsilə və internetdə dinləmək mümkündür.