Reportyorların Azadlıq və Təhlükəsizlik İnstitutu "Xəyal TV"-nin hazırda həbsdə olan və DİN Mütəşəkkil Cinayətkarlığa qarşı Mübarizə Baş idarəsində saxlanılan icraçı rektoru Vüqar Qonaqov və baş redaktor Zaur Quliyevə istintaq tərəfindən təzyiq edilməsi faktından narahatdır və buna son qoyulmasını tələb edir.
RATİ qeyd edir ki, 13- mart 2012-ci il tarixində "Xəyal TV"-nin icraçı direktoru Vüqar Qonaqov və baş redaktoru Zaur Quliyev həbs edilsələr də bu barədə hüquq-mühafizə orqanları yalnız martın 15-də məlumat veriblər. Habelə jurnalistlər haqqında məhkəmə 2 ay müddətinə həbs qəti imkan tədbiri seçsə də onlar iki həftəyə yaxındır ki, DİN Mütəşəkkil Cinayətkarlığa qarşı Mübarizə Baş idarəsində saxlanılırlar. Qeyd etmək lazımdır ki, həmin idarədə saxlanılan şəxslərə işgəncələr verilməklə xüsusi tanınır. Bu səbəbdən də Qonaqov və Quliyevə də təzyiq edilməsi faktı şübhə yaratmır.
Qeyd edək ki, Quba rayonun sabiq icra başçısı Rauf Həbibovun 2011-ci ilin yekunlarına dair müşavirədə səsləndirdiyi və sonra sosial şəbəkələrdə yayılan çıxışında “Qubalılar öz ailə uşaqlarını, vətənini 30-40 mata satırlar” ifadəsi rayon əhalisini hiddətləndirib və bu səbəbdən 2012-ci il mart ayının 1-də Quba rayonunda kütləvi etiraz aksiyası keçirilib, aksiya iştirakçıları R.Həbibovun evini yandırıblar, əhali ilə polis və daxili qoşun hissələri əsgərləri arasında qarşıdurma olub. Qarşıdurma nəticəsində icra başçısı
Prezident İlham Əliyev tərəfindən vəzifəsindən çıxarılıb.