Naxçıvan Muxtar Respublikasında 9 yerli qəzet çap olunsa da onların heç biri müstəqil və ya müxalifətyönümlü deyil.
Belə ki, bunlar – Ali Məclisin orqanı olan “Şərq Qapısı”, Naxçıvan şəhər İcra Hakimiyyətinin orqanı olan “ Nuh yurdu”, Şahbuz rayon İcra Hakimiyyətinin orqanı olan “Oğuz səsi”, Şərur rayon İcra Hakimiyyətinin orqanı olan “Şərurun səsi”, Sədərək rayon İcra Hakimiyyətinin orqanı olan “Oğuz yurdu”, Kəngərli rayon İcra Hakimiyyətinin orqanı olan “Yeni həyat”, Babək rayon İcra Hakimiyyətinin orqanı olan “Oğuz səsi”, Culfa rayon İcra Hakimiyyətinin orqanı olan “Arazın səsi”, Ordubad rayon İcra Hakimiyyətinin orqanı olan “El həyatı” qəzetləridir.
Bu qəzetlərdən ən çox tirajlısı “Şərq qapısı” qəzetidir. Bu qəzet həftədə 5 dəfə 3430 nüxsə çap olunur. “ Şərurun səsi” qəzeti isə həftədə 1 dəfə olmaqla 800 nüsxə olmaqla dərc olunur. Digər qəzetlər də həftədə 1 dəfə olmaqla, amma cəmi 500 nüxsə ilə çap olunurlar. Qəzetlər sasən dövlət idarə və müəsissələrinə məcburi qaydada satılır.
Qeyd edək ki, bu statistik xarakterli məlumatı RATİ-nin bölgə müxbirləri bölgədə qəzet çapı ilə məşğul olan “Əcəmi” mətbəsindən alıblar.
Bölgədə müstəqil və müxalifyonlü yerli mətbuat yoxdur. Müstəqil əyalət qəzetlərinin olmaması səbəbindən yerli mətbuat orqanları arasında rəqabət mühiti də mövcud deyil.