Milli Televiziya və Radio Şurasının (MTRŞ) hüquq və beynalxalq əlaqələr şöbəsinin rəisi Nemət Cavadov ABŞ dövlət katibinin demokratiya və insan haqları məsələləri üzrə köməkçisi Devid Kramerin Azərbaycanda milli tezliklərlə yayımlanan xarici radiostansiyaların taleyi ilə bağlı səsləndirdiyi fikrə münasibətini bildirib.
Cavadov Kramerin işlətdiyi “yayım davam edəcək” sözlərinə “biz bilmirik o, nəyi nəzərdə tutur” – deyə cavab verib. Bu “Ölkə” qəzetinin bu günkü (20 noyabr) sayında dərc olunmuş məlumatda bildirilir.
Cavadovun sözlərinə görə yayımı yalnız nizamnamə kapitalında Azərbaycan vətəndaşlarının payı olan teleradio yayımçıları həyata keçirə bilər: “Bu Rusiyada, İsveçdə, Norveçdə həmçinin adını çəkdiyiniz şəxsin ölkəsində də belədir. Əgər onların yayım planları varsa, Azərbaycanda kabel yayımı vasitəsilə yayımlana bilərlər. Onların yayımının davam etməsinə baxmayaraq, bu qanuna ziddir”, – deyə Cavadov əlavə edib.
Cavadovun sözlərinə görə yayımı yalnız nizamnamə kapitalında Azərbaycan vətəndaşlarının payı olan teleradio yayımçıları həyata keçirə bilər: “Bu Rusiyada, İsveçdə, Norveçdə həmçinin adını çəkdiyiniz şəxsin ölkəsində də belədir. Əgər onların yayım planları varsa, Azərbaycanda kabel yayımı vasitəsilə yayımlana bilərlər. Onların yayımının davam etməsinə baxmayaraq, bu qanuna ziddir”, – deyə Cavadov əlavə edib.
Cavadovun verdiyi məlumata görə, MTRŞ-nın xarici radiostansiyalara verdiyi illik lisenziyanın müddəti sentyabr ayında başa çatıb.
Xatırladaq ki, Azərbaycana rəsmi səfərinin yekunlarına dair dünən (19 noyabr) keçirdiyi mətbuat konfransında Kramer radiostansiyalar məsələsinə münasibət bildirib. “Azərbaycan rəhbərliyi ilə görüşlərdən sonra məndə elə təəssürat yaranıb ki, xarici radiostansiyaların yayımı dayanmayacaq”, – deyə o, bildirib.