“Yeni Müsavat” qəzetinin bu günkü (25 noyabr) sayında “Tərtərin icra başcısı “Yeni Müsavat”ı şantaj edir“ başlıqlı yazı dərc edilib.
Yazıda bildirilir ki, “Yeni Müsavat” qəzetinin 23-noyabr 2008-ci il tarixli sayında “Tar-mar Tərtər” başlıqlı məqalə dərc edilib. Məqalədə həmin rayonun icra başçısı Vidadi İsayev və rayonun vəzifəli şəxsləri tənqid edilib.
“Yeni Müsavat” qəzetinin baş redaktorunun birinci müavini Azər Ayxanın RATİ-yə verdiyi məlumata görə, həmin rayonun vəzifəli şəxslərinin sifarişi ilə redaksiyaya hədə dolu zənglər olur: ”Özlərini şəhid ailələri kimi təqdim edən şəxslər icra başçısı barədə yazdıqlarımızla bağlı təkzib verməyimizi tələb edirlər. Onlar əks təqdirdə əməkdaşlarımıza və redaksiyaya hücum edəcəklərini bildirirlər”.