Bu gün (02 iyun) Xətai rayon Məhkəməsində “Nota” qəzetinə qarşı xüsusi ittiham qaydasında qaldırılmış üç iddia üzrə iş hazırlıq iclası keçirilib.
Bu barədə Reportyorların Azadlıq və Təhlükəsizlik İnstitutuna qəzetin baş redaktor əvəzi Sərdar Əlibəylli məlumat verib. “Daxili Qoşunların (DQ) komandanı general-leytenant Zakir Həsənovun iddiasına hakim Habil Məmmədovun, DQ komandanının müavini general-mayor Fəxrəddin Səmədovun iddiasına hakim Leyla Talıbovanın, DQ-nin şəxsi heyət üzrə kadrlar şöbəsinin rəisi, polkovnik Nəsir Hüseynovun iddiasına isə hakim Səadət Səlimovanın sədrliyi ilə hazırlıq iclası keçirildi. Hər üç hakim “Nota” qəzeti redaksiyasının Nizami rayonu ərazisində yerləşdiyini əsas gətirərək, iddiaların Nizami rayon məhkəməsinə göndərilməsinə qərar verdilər” – deyə S.Əlibəyli bildirib.
Xatırladaq ki, hər üç iddiaçı “Nota” qəzetinin son saylarında Daxili Qoşunlarla bağlı yazılarda şərəf və ləyaqətlərini ləkələyən və onları nüfuzdan salan məqalələr dərc edildiyini iddia edərək, Sərdar Əlibəyli barədə Cinayət Məcəlləsinin 147.2 maddəsi (ağır və ya xüsusilə ağır cinayətdə ittiham etməklə böhtan atma) xüsusi ittiham qaydasında məhkəməyə müraciət ediblər.
Xatırladaq ki, hər üç iddiaçı “Nota” qəzetinin son saylarında Daxili Qoşunlarla bağlı yazılarda şərəf və ləyaqətlərini ləkələyən və onları nüfuzdan salan məqalələr dərc edildiyini iddia edərək, Sərdar Əlibəyli barədə Cinayət Məcəlləsinin 147.2 maddəsi (ağır və ya xüsusilə ağır cinayətdə ittiham etməklə böhtan atma) xüsusi ittiham qaydasında məhkəməyə müraciət ediblər.