“Bizim Yol” qəzetinin əməkdaşı, 2 saylı cəzaçəkmə müəssisəsində cəza çəkən Müşfiq Hüseynovun səhhəti pisləşib. Bu barədə Reportyorların Azadlıq və Təhlükəsizlik İnstitutuna (RATİ) jurnalistin yaxın qohumu Cavidan Hüseynov məlumat verib.
Onun dediyinə görə, şənbə günü (30 may) görüşdə M.Hüseynov ona səhhətinin pisləşdiyini, kor bağırsağında və ürəyində olan ağrılardan şikayətləndiyini bildirib: “Müşfiq Hüseynov saxlanma şəraitindən narazı deyil. Narahatlığı ancaq səhhəti barədədir.”
Qeyd edək ki, səhhəti ilə əlaqədar cəzasının qalan hissəsindən azad edilməsi barədə Əzizbəyov rayon Məhkəməsinə müraciət etsə də, mayın 27-də keçirilən məhkəmə prosesində M.Hüseynovun müraciəti qəbul edilməmişdi.
Xatırladaq ki, M.Hüseynov 2007-ci il iyulun 24-də həbs olunub. Ona qarşı CM-nin 311-ci maddəsi (rüşvət alma) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellasiya məhkəməsi isə M.Hüseynovun cəzasını 1 il azaldıb.
Qeyd edək ki, səhhəti ilə əlaqədar cəzasının qalan hissəsindən azad edilməsi barədə Əzizbəyov rayon Məhkəməsinə müraciət etsə də, mayın 27-də keçirilən məhkəmə prosesində M.Hüseynovun müraciəti qəbul edilməmişdi.
Xatırladaq ki, M.Hüseynov 2007-ci il iyulun 24-də həbs olunub. Ona qarşı CM-nin 311-ci maddəsi (rüşvət alma) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellasiya məhkəməsi isə M.Hüseynovun cəzasını 1 il azaldıb.