İfadə Azadlığı Təşəbbüsü birliyi və DW-AKADEMIE-nin təşkilatçılığı ilə RATİ-də keçirilən “İnternet İdarəçilik Forumunun işıqlandırılması” adlı beş günlük təlim sona çatıb. Təlimi DW-AKADEMIE –nin layihə meneceri Toma Tasovac və təlimçi Sonia Phalnika aparıb.
Təlim zamanı iştirakçılar onlayn jurnalistika barədə fikirlərini bölüşüblər, internet mediada janr məsələləri və rəqəmsal media məsələlərini müzakirə ediblər. Bura mətbuat, radio, televiziya, internet: oxşarlıqlar və fərqlər, onlayn jurnalistikanın tipik xüsusiyyətləri, hədəf auditoriya və istehlakçı davranışı, forum və onun funksiyası, internet tədqiqatı və onun gizli təhlükələri, məhsulların qiymətləndirilməsi, Web sayt üçün yazılar hazırlanması, yazını ekranda daha rahat oxunması üçün optimallaşdırılması və sair aiddir. Təlim zamanı keçilən rraktik məşğələlər daha səmərəli olub. Seminar ərzində iştirakçılar web tapşırıqlar hazırlayıblar. Bu tapşırıqlar təlimin internet saytına yerləşdirilib. Təlimin sonunda iştirakçılara sertifikatları layihə meneceri Toma Tasovac təqdim edib. RATİ sədri Emin Hüseynov və İnternational Media Support təşkilatının Proqram rəhbəri Gülnarə Axundova internet idarəçiliyi forumu ilə bağlı təlimi uğurla başa vuran media mənsublarını təbrik edərək onlara uğurlar arzulayıblar.