TELEVİZİYA APARICISININ MEYİTİ YAŞADIĞI EVİN HAMAMINDAN TAPILIB

oktyabr 11th, 2012

Oktyabrın 10-da gecə  Yevlax rayonunda fəaliyyət göstərən “EL” televiziyasının aparıcısı, 22 yaşlı Lətif Lətifovun meyiti yaşadığı evin hamamından tapılıb. Bu barədə RATİ-yə mərhumun əmisi Elbrus Lətifov məlumat verib. O bir uşaq atası olan mərhum  L.Lətifovun özünə qəsd etdiyini  bildirir.

Yevlax Rayon Prokurorluğunun yaydığı məlumata görəsə meyitin üzərinə baxış keçirilərkən onun ürək nahiyəsindən aldığı 3 bıçaq xəsarətindən öldüyü müəyyənləşib. Baş vermiş hadisə ilə bağlı ilkin olaraq Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, istintaq aparılır.
            “EL” televiziyasından da hadisənin intihar olduğunu  bildirdilər və mərhumun heç kimlə probleminin olmadığını qeyd etdilər.