ABŞ Beynəlxalq Yayım Şurasının nümayəndə heyəti dekabrın 3-4-də Bakıda “Amerikanın səsi” və “Azadlıq” radiolarının yerli tezliklərdə yayımının davam etdirilməsi məqsədilə danışıqlar aparacaq.
Bu barədə “Turan” İnformasiya Agentliyi ABŞ-ın Azərbaycandakı səfirliyinə istinadən məlumat yayıb. Məlumatda nümayəndə heyətinə daha çox texniki mütəxəssislərin daxil olduğu heyətin Milli Teleradio Şurası və hökümət rəsmiləri ilə görüşəcəyi bildirilir. Eyni zamanda nümayəndələrin Azərbaycan qanunları çərçivəsində radiostansiyaların verilişlərinin yerli tezliklərdə yayımının davam etdirilməsi üçün araşdırmalar aparacaqları bildirilir.