Bu gün (13 sentyabr) Reportyorların Azadlıq və Təhlükəsizlik İnstitutunun mətbuat mərkəzində Redaktorlar Birliyinin növbəti iclasında “Gündəm Xəbər” qəzetinə qarşı Mətbuat Şurasının müraciəti ilə qaldırılmış cinayət işi, jurnalist İdrak Abbasovun ailə üzvlərinə fiziki təzyiqlərlə bağlı müraciətlər müzakirə edilib.
İclasda “Gündəm Xəbər” qəzetinə qarşı ittihamın əsaslılığının araşdırılması barədə qərar qəbul edilib. Eyni zamanda, redaktorlar jurnalist İdrak Abbasovun ailə üzvlərinin hüquqlarının qorunması ilə bağlı işlərin təşkili, onların xəstəxanada müalicəsinin vəziyyətini öyrənmək üçün xəstəxanaya baş çəkmək və nəhayət jurnalistin valideynlərinin yaşadığı evi uçurmuş Binəqədi Oil şirkətinə getmək barədə qərar qəbul edib. Bunun üçün redaktorlar və hüquq müdafiəçilərindən ibarət qrup yaradılıb.