NAXÇIVANDA “YENİ MÜSAVAT” VƏ “BİZİM YOL” QƏZETLƏRİNİN VEB SƏHİFƏLƏRİ AÇILMIR

İyunun 25-dən bu günə (04 iyul) qədər Naxçıvan Muxtar Respublikasının  ərazisində “Yeni Müsavat” və “Bizim yol” qəzetlərini

internetdə izlənməsi mümkün deyil. Çünki həmin qəzetlərin  veb səhifələri açılmır. İnternetin sürəti zəif olduğu üçün digər müstəqil və müxalifyönlü mətbuat orqanlarının veb səhifələrinin açılışında da tez-tez əngəllər yaranır.
RATİ-nin Naxçıvan bölgə müxbirlərinin araşdırmalarına görə,  Naxçıvan şəhəri istisna olmaqla, Muxtar Respublikanın rayonlarında internetin sürəti çox zəifdir və buna görə də internetdən istifadə mümkünsüzdür. Lakin hakimiyyətə yaxın qəzetlərin və dövlət orqanlarına aid olan  saytların  normal fəaliyyəti, dövlətə aid idarə və müəssisələrdə internetin sürətinin normal olması onu deməyə əsas verir ki, İnternetə müdaxilələr edilir və lazım gəldikdə “arzuolunmaz” saytlara giriş ümumiyyətlə məhdudlaşdırılır.
Onu da qeyd edək ki, RATİ-nin Naxçıvandakı bölgə müxbirlərinin ofisində də internetlə bağlı problemlər yaşanır.
Yaranmış problemlə  bağlı Naxçıvan Muxtar Respublikası Rabitə və İnformasiya Texnologiyaları Nazirliyinin İnternet şöbəsinin müdiri Vüqar Rəsulov isə RATİ əməkdaşının suallarına cavabında internetdə yaranmış problemlərin onlara aid olmadığını deyib:
“Bizim üçün abunəçilərin fərqi yoxdur, saytların məhdudlaşdırılması bizim imkanlarımız xaricindədir, interneti Bakıdan aldığımız üçün problemin haradan yaranmasını biz bilmirik”.

Previous Post

HÖKUMƏT RƏSMİSİ AZƏRBAYCANDA JURNALİSTLƏRİN PEŞƏ FƏALİYYƏTİNƏ GÖRƏ HƏBS EDİLMƏDİYİNİ İDDİA EDİR

Next Post

NUŞİRƏVAN MƏHƏRRƏMLİ PREZİDENTİN FƏALİYYƏTİ İLƏ BAĞLI MATERİALLARI TƏBLİĞAT KİMİ QƏBUL ETMİR

Leave a Reply

Your email address will not be published.

Start typing to see posts you are looking for.