Bu gün "Park İnn" otelində keçmiş prezident Heydər Əliyevin 85 illik yubileyinə həsr olunmuş "Heydər Əliyev və Azərbaycan mətbuatı" adlı konfrans keçirilib.
Konfrans Yeni Azərbaycan Partiyası və Mətbuat Şurası tərəfindən təşkil olunmuşdu. Konfrans zamanı ANS telekanalının Heydər Əliyev və mətbuat mövzusunda çəkdiyi film nümayiş etdirildi. Tədbir zamanı çıxış edən hakimiyyət nümayəndələri və Mətbuat Şurasının sədri Əflatun Amaşov əsasən Heydər Əliyevin mətbuata olan münasibətindən, qayğısından və Əliyevlə media işçilərinin münasibətlərinin tarixçəsindən danışıblar.
Qeyd edək ki, konfransda media nümayəndələri, baş redaktorlar, jurnalistlər iştirak etsə də, mətbuatın hazırkı durumu, problemləri, mətbuata qarşı olan təzyiqlər barədə heç bir söz deyilməyib.