“Yeni qəzet+”in təsisçisi və baş redaktoru Kamran Məhərrəmli ona gizli nömrədən zənglər olduğunu və ölümlə hədələndiyini bildirir. “Media forum” xəbər saytının məlumatına görə, Kamran Məhərrəmli məsələ ilə bağlı bir müddət bundan əvvəl daxili işlər naziri Ramil Usubova müraciət edib. Müraciətində o, zəng edənlərin tapılaraq cəzalandırılmasını xahiş edib.
K. Məhərrəmli nazirin göstərişi ilə işi Sabunçu Rayon Polis İdarəsinin 12-ci bölməsinin rəisi Sadiq Həsənovun məsələni araşdırdığını, eləcə də bu günlərdə rəisdən cavab məktubu aldığını bildirib. Sadiq Həsənov baş redaktora onu təhqir etmiş və ölümlə hədələmiş şəxsin gələcəkdə müəyyən ediləcəyi təqdirdə, barəsində qanunla müəyyən edilmiş qaydada inzibati tədbir görüləcəyini qeyd edib.
Kamran Məhərrəmli isə bir daha Ramil Usubova müraciət edərək ona gizli nömrədən zənglərin və təhdidlərin davam etdiyini bildirir və nazirdən bu məsələyə son qoyulmasını istəyir.