Bakı Şəhər İcra Hakimiyyəti (BŞİH) “Yeni Müsavat” qəzetinin piket keçirmək istəyinə rədd cavabı verib.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən qəzetin baş redaktoru Rauf Arifoğlu bildirib ki, bununla bağlı məhkəməyə müraciət edəcək. O, qeyd edib ki, BŞİH-in müvafiq bildiyi yerdə piket keçirmək üçün növbəti müraciət olunacaq. “Növbəti müraciətimizə də rədd cavabı verilsə, heç bir xəbərdarlıq edilmədən şəhərin mərkəzində piket keçirəcəyik” – deyə R.Arifoğlu vurğuladı.
Xatırladaq ki, “Yeni Müsavat” qəzeti həbsdə olan jurnalistlərin azad edilməsi tələbi ilə fevralın 19-da Sabir bağında piket keçirilməsinə icazə verilməsi ilə bağlı Bakı Şəhər İcra Hakimiyyətinə (BŞİH) müraciət etmişdi.
Xatırladaq ki, ölkənin ən çoxtirajlı qəzetlərindən olan “Yeni Müsavat” qəzeti 1993-cü ildən fəaliyyət göstərir və gündəlik çap olunur.
Xatırladaq ki, “Yeni Müsavat” qəzeti həbsdə olan jurnalistlərin azad edilməsi tələbi ilə fevralın 19-da Sabir bağında piket keçirilməsinə icazə verilməsi ilə bağlı Bakı Şəhər İcra Hakimiyyətinə (BŞİH) müraciət etmişdi.
Xatırladaq ki, ölkənin ən çoxtirajlı qəzetlərindən olan “Yeni Müsavat” qəzeti 1993-cü ildən fəaliyyət göstərir və gündəlik çap olunur.