Qeyd edək ki, prosesdə çoxlu sayda yerli və xarici jurnalistlər, vətəndaş cəmiyyətinin nümayəndələri iştirak edib. Prosesin sonunda məhkəmə işçilərinin kobut rəftarına etiraz edən proses iştirakçıları ilə insident yaranıb. Həmçinin məhkəmə işçiləri Reportyorların Azadlıq və Təhlükəsizlik İnstitutunun əməkdaşının fotoaparatını qırıblar.
Xatırladaq ki, YAP siyasi Şurasının üzvü, deputat Gülər Əhmədovanın şikayəti əsasında Korrupsiyaya Qarşı Mübarizə İdarəsində Əvəz Zeynallı barəsində Cinayət Məcəlləsinin 311.3.3 (külli miqdarda rüşvət alma) və 311.3.4-cü (hədə-qorxu tətbiq olunmaqla rüşvət alma) maddələri ilə cinayət işi başlanıb. 2011-ci il oktyabrın 28-də Nəsimi rayon Məhkəməsi Əvəz Zeynallı barəsində 3 aylıq həbs qətimkan tədbiri seçib. 2012-ci il yanvar ayının 17-də baş redaktorun həbs 3 ay, 2012-ci il aprelin 12-də isə 1 ay müddətinə uzadılmışdı.