Dünən (24 aprel) Apellyasiya Məhkəməsinin hakimi Rəsul Səfərovun sədirliyi ilə “Kriminal Aləm” qəzetinin baş redaktoru Mehralı İsgəndərovun verdiyi şikayət üzrə məhkəmə prosesi keçirilib.
Hakim rayon məhkəməsinin qərarını qüvvədə saxlayıb. Bu haqda RATİ-yə məlumat verən İsgəndərov qərarı ədalətsiz adlandırıb və qərarın surətini alan kimi Ali Məhkəməyə şikayət edəcəyini bildirib.
Xatırladaq ki, Mehralı İsgəndərov ötən il İTV-nin bölgə müxbiri Əminə Rəhimovanın iddiası əsasında Cinayət Məcəlləsinin 147 (böhtan) və 148-ci (təhqir) maddələri ilə ittiham olunaraq Yasmal Rayon Məhkəməsinin hakimi Tahir İsmaylovun qərarı ilə bir il müddətinə islah işlərinə məhkum edilmişdi.