“Azərbaycanda “qara piar” kampaniyası həyata keçirilsəydi, o zaman müxalifət mətbuatı kampaniya aparanlar siyahısının başında gedərdi”.
Bu sözləri Prezidentin İcra Aparatının ictimai-siyasi şöbəsinin müdiri Əli Həsənov jurnalistlərə açıqlamasında deyib. “Biz istəyirik ki, mediada, elektron kütləvi informasiya vasitələrində tənqidlər etika çərçivəsində olsun. Azərbaycan jurnalistikası əxlaq kodeksi çərçivəsində işləməyi öyrənməli, başqa insanların hüquqlarına, şərəf və ləyaqətinə hörmətlə yanaşmağı bacarmalı və bunu tətbiq etməlidir. Əlində qələm, mikrofon, çiynində kamera olan insanlar başqaları ilə yüksək tonda danışmamalıdırlar” – deyə Həsənov əlavə edib.