Bu gün 1991-ci il noyabrın 20-də Xocavənd rayonunun Qarakənd kəndi yaxınlığında “Mİ-8” vertolyotunun vurulması nəticəsində Azərbaycanın dövlət və hökumət nümayəndələrinin həlak olmasından 18 il ötür.
Terror hadisəsi zamanı Azərbaycanın dövlət katibi Tofiq İsmayılov, Baş prokuror İsmət Qayıbov, dövlət müşaviri Məhəmməd Əsədov, Baş nazirin müavini Zülfi Hacıyev, Prezident Aparatının şöbə müdiri Osman Mirzəyev və digərləri ilə yanaşı, dövlət teleradio şirkətinin əməkdaşları – telejurnalist Alı Mustafayev, Fəxrəddin Şahbazov və Arif Hüseynzadə də terror zamanı həlak olanlar sırasındadır.
1991-ci il 20 noyabr terrorunun erməni tərəfinin törətməsinə şübhə olmasa da, bu günə qədər də hadisənin təfərrüatları tam məlum deyil və günahkarlar cəzasız qalır.