Səbail rayon məhkəməsində hakim Elnur Həsənovun sədrliyi ilə keçirilən məhkəmədə Hüquq Maarifçiliyi Cəmiyyətinin (HMC) Azərbaycanın Avropa İnsan Hüquqları Məhkəməsi yanında səlahiyyətli nümayəndəsi Çingiz Əsgərova qarşı iddiası üzrə qətnamə çıxarılıb.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən HMC-nın nümayəndəsi Nurlana Əliyeva bildirib ki, qətnamə noyabrın 9-da onların iştirakı olmadan çıxarılıb və HMC-nin Çingiz Əsgərova qarşı verdiyi iddiası təmin edilməyib.
N.Əliyeva bildirdi ki, qərardaddan apellyasiya şikayəti veriləcək.
Xatırladaq ki, HMC Azərbaycanın Avropa İnsan Hüquqları Məhkəməsi yanında səlahiyyətli nümayəndəsi Çingiz Əsgərova sorğuya cavab vermədiyinə görə iddia qaldırmış və informasiya sorğusuna cavab verilməməsinin qanunsuz hesab edilməsini istəmişdi.