“Azadlıq” qəzetinin baş redaktoru Qənimət Zahidovun ötən məhkəməsi zamanı Vüsal Həsənov tərəfindən təhqirlərə məruz qalan bir qrup qadın Həsənovun bu hərəkətindən şikayət veriblər.
Həmin qadınlar Vüsal Həsənov barəsində cinayət işinin açılması üçün Yasamal Rayon Prokurorluğuna, Yasamal Rayon Məhkəməsinə və Yasamal Rayon Polis İdarəsinə müraciət ediblər. Bu haqda RATİ-yə məlumat verən Azərbaycan Xalq Cəbhəsi Partiyasının Qadınlar Şurasının sədri Solmaz Hüseynova onu da əlavə edib ki, onların hüquqlarını vəkil Elçin Sadıqov müdafiə edəcək.