Bu gün (7 avqust) Reportyorların Azadlıq və Təhlükəsizlik İnstitutunun (RATİ) mətbuat mərkəzində Müsavat Partiyası Gənclər Təşkilatı “Hədəf” Gənclər Koalisiyasının rəhbəri Ağasif Şakiroğluna (İbrahimov) cinayət işi açılaraq, barəsində həbs-qətimkan tədbirinin seçilməsi və 3 gün sonra azad olunaraq birbaşa hərbi xidmətə göndərilməsi ilə bağlı dəyirmi masa keçirdi.
Müsavat Gənclər Təşkilatının sədr müavini Əhəd Məmmədli çıxışında bildirdi ki, A.Şakiroğlunun barəsindəki cinayət işi sifarişlidir və o, aktiv ictimai-siyasi fəaliyyətinə görə təqib olunur.
A.Şakiroğlunun valideynləri Şakir İbrahimov və Sevda İbrahimova da oğullarının hərbi xidmətdən yayınmadığını və barəsində olan cinayət işinin əsassız olduğunu dilə gətirdilər. “Mən fəxr edirəm ki, oğlum bu gün hərbi xidmətdədir. Ancaq istərdik ki, Ağasif bu cür hay-küylü məhkəmələr vasitəsilə yox, normal qaydada hərbi xidmətə yollansın” – deyən valideynlər vurğuladılar ki, A.Şakiroğlu əvvəllər dəfələrlə hərbi komissarlığa müraciət etsə də, ona “lazım olanda çağıracağıq” deyiblər.
Tədbirdə iştirak edən Müsavat Partiyasının Məclis üzvü Sevinc Hüseynova, AXCP Gənclər Təşkilatının sədri Əbülfəz Qurbanlı, Gənclərin Hüquqlarının Müdafiə Hərəkatının (GHMH) üzvü Ramin Hacılı və digər gənclər də çıxışlarında insan haqlarının kobud surətdə pozulması və hakimiyyətin müxalifətçi gənclərə qarşı amansız mübarizə üsullarını pislədiklərini ifadə etdilər.
A.Şakiroğlunun valideynləri Şakir İbrahimov və Sevda İbrahimova da oğullarının hərbi xidmətdən yayınmadığını və barəsində olan cinayət işinin əsassız olduğunu dilə gətirdilər. “Mən fəxr edirəm ki, oğlum bu gün hərbi xidmətdədir. Ancaq istərdik ki, Ağasif bu cür hay-küylü məhkəmələr vasitəsilə yox, normal qaydada hərbi xidmətə yollansın” – deyən valideynlər vurğuladılar ki, A.Şakiroğlu əvvəllər dəfələrlə hərbi komissarlığa müraciət etsə də, ona “lazım olanda çağıracağıq” deyiblər.
Tədbirdə iştirak edən Müsavat Partiyasının Məclis üzvü Sevinc Hüseynova, AXCP Gənclər Təşkilatının sədri Əbülfəz Qurbanlı, Gənclərin Hüquqlarının Müdafiə Hərəkatının (GHMH) üzvü Ramin Hacılı və digər gənclər də çıxışlarında insan haqlarının kobud surətdə pozulması və hakimiyyətin müxalifətçi gənclərə qarşı amansız mübarizə üsullarını pislədiklərini ifadə etdilər.
Xatırladaq ki, Ağasif Şakiroğluna Cinayət məcəlləsinin 321.1 (Qanuni əsas olmadan hərbi xidmətdən yayınmaq üçün növbəti hərbi çağırışdan və ya səfərbərlik üzrə çağırışdan boyun qaçırma) maddəsi ilə Nərimanov Prokurorluğunda cinayət işi açılıb. Avqustun 3-də A.Şakiroğlu barədə həbs qətimkan tədbirinin seçilməsi ilə bağlı Nərimanov rayon məhkəməsinin qərarını dünən – 6 avqust tarixində Apellyasiya məhkəməsi ləğv edib və o, həbsdən azad edilərək birbaşa hərbi hissəyə aparılıb.
Foto: http://www.irfs.az/component/option,com_datsogallery/Itemid,30/func,viewcategory/catid,301/lang,az/