“Azadlıq” qəzetinin döyülən əməkdaşı Aqil Xəlil RATİ-yə bildirib ki, o döyülməsi ilə bağlı vəkili Elçin Sadıqovla birgə vəsatət qaldırıb.
Vəsatətdə cinayət işinin açılıb-açılmaması ilə bağlı sənədlərin surətlərinin verilməsi, jurnalistin döyülməsinə dair videogörüntülərin və aldığı xəsarəti əks etdirən fotoların iş materiallarına əlavə olunması xahiş olunur. Jurnalistin sözlərinə görə, “bu gün vəsatəti yazılı surətdə təqdim etmək üçün polis bölməsinə getsəm də, bölmədə nə müstəntiq, nə rəis, nə də rəis müavini tapa bilmədim. Lakin axşam polis bölməsi ilə yenidən əlaqə saxlamağı planlaşdırıram, ya bu gün, ya da sabah vəsatəti verəcəyəm”.