ATƏT-in media azadlığı üzrə xüsusi nümayəndəsi Mikloş Haraşti bu gün ATƏT-in üzvü olan ölkələri jurnalistlərə qarşı olan zorakılıqları aradan qaldırmaqla və bu sahədə ciddi məhdudiyyətləri götürməklə mətbuat azadlığını müdafiə etməyə çağırıb.
Açıqlmasında Haraşti qeyd edir: “Tənqidə görə qisas almaq məqsədilə jurnalistlər Ermənistanda, Azərbaycanda, Belarusda, Bolqarıstanda, Xorvatiyada, Gürcüstanda, Macarıstanda, Qırğızıstanda, Monteneqroda, Rusiyada, Serbiyada və Makedoniyada döyülmədən qətlə qədər fiziki zorakılığa məruz qalır”.
Haraşti hökumətləri icazəsiz nümayişlər də daxil olmaqla kütləvi aksiyaları işıqlandıran jurnalistləri müdafiə etməyə çağırıb. Məhkəmə, siyasi xarakterli məhdudiyyətlər də media azadlığını təhlükə altında qoyur.