Siyasi və Mülkü Hüquqları Müdafiə Mərkəzi KİV nümayəndələri arasında Azərbaycanda söz və mətbuat azadlığının müdafiəsində fəaliyyətinə görə “Jurnalistlərin dostu” nominasiyası üzrə keçirdiyi sorğunun nəticələrini elan edib.
“Azadlıq” qəzetinin məlumatına görə, ölkədə gündəlik nəşr olunan 18 qəzet, 3 telekanal, 1 radio və 5 informasiya agentliyinin təmsilçiləri arasında aparılan sorğunun nəticələrinə görə, Amerika Birləşmiş Ştatlarının Azərbaycandakı səfiri xanım Enn Dersi Azərbaycanda söz və mətbuat azadlığının müdafiəsində xidmətlərinə görə jurnalistlərin dostu elan olunub.