“Ans press” Nəşriyyat Evi “Azadlıq fədailəri” qəzetini və qəzetin Allahverdi Nəbi adlı əməkdaşını qəzetin 28.11 – 01.12-2007-ci il tarixli sayında dərc edilmiş yazıya görə məhkəməyə verib.
İddiaçı qəzetdə “ANS-in pornoqrafiyası” başlıqlı və “ANS hər zaman, hər yerdədir-tərbiyəsizliyi ilə” sərlövhəli məqaləsində yazılan yazıların həqiqətə uyğun olmadığını, yalan, alçaldıcı və təhqiredici məlumatlar olduğunu hesab edir. “Ans press” Nəşriyyat Evi məhkəmədən qəzetin təkzib verməsi, qəzetdən 50000 (əlli min) manatın tutulması, qəzetin əməkdaşı Allahverdi Nəbidən 10000 (on min) manatın tutulması haqqında qətnamə çıxarmasını xahiş edib.
Məhkəmə hazırlıq iclası 18 yanvar 2008-ci il tarixində saat 15:00-da Nəsimi rayon məhkəməsinin hakimi Məmməd Məmmədbəyovun sədrliyi ilə keçiriləcək. Məlumat RATİ-yə “Azadlıq fədailəri” qəzetinin redaksiyasından verilib.