Məlumatda qeyd olunur ki, televiziyanın bölgə müxbiri Günel İsayeva və operator Rəşad Rəşidov redaksiya tərəfindən təsdiq olunmuş mövzunu işləyərkən məmur özbaşnalığı ilə qarşılaşıblar:
“Göyçay rayonunun Qarabaqqal kəndinin sakinləri kəndin kənarına qanunsuz olaraq məişət tullantılarının atılması barədə redaksiyaya şikayət etmişdilər. Vəziyyəti araşdırmaq məqsədilə sözügedən rayona yollandıq və ərazidə çəkilişlər apardıq. Məsələyə aydınlıq gətirməsi üçün Göyçay Rayon Mənzil Kommunal İstismar Sahəsinin rəisi Loğman Əliyevin mövqeyini öyrənməyə çalışdıq. Bizi otağında qəbul edən L. Əliyev qapını bağlayıb, bizi nalayiq sözlərlə təhqir etməyə başladı. Bir neçə dəfə mənə və operator Rəşad Rəşidova əl atdı. Televiziyaya məxsus videokameranın obtektivini qopartdı”, – deyən Günel İsayeva bununla bağlı Göyçay Rayon Polis İdarəsinə şikayət ərizəsi ilə müraciət etdiklərini bildirib.
ANS TV-NİN ƏMƏKDAŞLARI TƏZYİQLƏ ÜZLƏŞİBLƏR
Dekabrın 10-da ANS TV-nin əməkdaşları peşə fəaliyyətlərini yerinə yetirərkən təzyiqə məruz qalıblar. Bu barədə “anspress.com” saytında məlumat yer alıb.