Bu gün (19 dekabr) vəkil İsaxan Aşurov hüquqlarını müdafiə etdiyi "Azadlıq" qəzetinin əməkdaşı, satiraçı sair Mirzə Sakitin (Sakit Zahidov) vaxtından əvvəl həbsdən azad edilməsi xahişi ilə Nərimanov rayon Məhkəməsinə müraciət edib.
Bu barədə RATİ-yə vəkilin özü məlumat verib.
Vəkilin sözlərinə görə, qanunla cəzasının çox hissəsini çəkmiş hər bir məhkumun vaxtından əvvəl azad olunması üçün məhkəməyə müraciət etrmək hüququ var.
Qeyd edək ki, Mirzə Sakit Ağır Cinayətlərə Dair İşlər üzrə Məhkəmənin qərarı ilə üç il müddətinə azadlıqdan məhrum edilib. Satirik 2006-ci il iyun ayının 23-də narkotik vasitə ilə şərlənərək həbs olunub. Hazırda oun cəzasının bitməsinə təxminən 6 ay qalır.