RATİ bu gün “Monitor” jurnalının baş redaktoru mərhum jurnalist Elmar Hüseynova abidənin ucaldılması ilə bağlı prezident İlham Əliyevə müraciət ünvanlayıb.
Müraciət həm adi poçt, həm də elektron poçt vasitəsi ilə göndərilib. Müraciətdə E.Hüseynovun Azərbaycan jurnalistikası və mətbuatı qarşısındakı xidmətlərini, fikir azadlığı sahəsindəki cəsarəti nəzərə alınaraq, prezidentdən jurnalistin Bakı şəhəri, Mətbuat prospektində heykəlinin qoyulmasına göstəriş verməyi xahiş edilir. Müraciətdə o da qeyd olunur ki, Mətbuat prospektində müvafiq yer ayrılacağı təqdirdə, heykəlin ucaldılması üçün lazım olan maliyyə vəsatətinin ödənilməsi təmin ediləcək.