Bu gün (1 sentyabr ) Bakı Apellyasiya Məhkəməsində hakim Qail Məmmədovun sədrliyi ilə həbsdə olan gənc fəal Bəxtiyar Hacıyevin istintaq zamanı zorakılığa məruz qalmağı barədə Respublika Prokurorluğuna qarşı iddiası üzrə Səbail rayon Məhkəməsinin 20 iyul 2011-ci il tarixli qərarından verilən apellyasiya şikayəti təmin edilməyib.
Qeyd edək ki, məhkəmə prosesini müşahidə etməyə gələn çoxsaylı media nümayəndələrinə və gənc fəalın hüquqlarını müdafiə komitəsinin üzvlərinə prosesin qapalı keçiriləcəyi bildirilib və buna heç bir əsas göstərilməyib.
Məhkəmə iclası təyin olunduğu vaxtdan təxminən yarım saat gec, həm də B. Hacıyevin vəkillərinin iştirakı olmadan başladı. Məhkəmədən sonra gənc fəalın qardaşı Vüqar Hacıyev RATİ-yə bildirdi ki, ona şikayətin təmin olunmamağı barədə məlumatı məhkəmənin nəzarət buraxılış məntəqəsində veriblər.
Xatırladaq ki, Bəxtiyar Hacıyev barəsində cinayət işi yanvarın sonlarında açılıb. Elə həmin vaxt ondan yaşadığı yeri tərk etməmək haqqında iltizamnamə alınıb. Fevralın əvvəllərində isə bu qətimkan tədbiri “polisin nəzarətində olma” ilə əvəz olunub.
Martın 4-də Hacıyev bir ay müddətinə həbs edilib. 18 may 2011-ci il tarixində Gəncə şəhər Nizami rayon Məhkəməsi gənc fəal Bəxtiyar Hacıyevin Cinayət Məcəlləsinin 321.1-ci maddəsi ilə (hərbi xidmətdən yayınma) təqsirli bilərək 2 il müddətinə azadlıqdan məhrum olunması barədə hökm çıxarıb.
Hüquq müdafiə təşkilatları hesab edirlər ki, 2010-cu il parlament seçkilərində deputatlığa namizəd olmuş gənc fəal facebook-da gənclərin 11 mart “Böyük xalq günü” etiraz aksiyasını təyin edən qrupun üzvü olduğuna görə həbs olunub.
Məhkəmə iclası təyin olunduğu vaxtdan təxminən yarım saat gec, həm də B. Hacıyevin vəkillərinin iştirakı olmadan başladı. Məhkəmədən sonra gənc fəalın qardaşı Vüqar Hacıyev RATİ-yə bildirdi ki, ona şikayətin təmin olunmamağı barədə məlumatı məhkəmənin nəzarət buraxılış məntəqəsində veriblər.
Xatırladaq ki, Bəxtiyar Hacıyev barəsində cinayət işi yanvarın sonlarında açılıb. Elə həmin vaxt ondan yaşadığı yeri tərk etməmək haqqında iltizamnamə alınıb. Fevralın əvvəllərində isə bu qətimkan tədbiri “polisin nəzarətində olma” ilə əvəz olunub.
Martın 4-də Hacıyev bir ay müddətinə həbs edilib. 18 may 2011-ci il tarixində Gəncə şəhər Nizami rayon Məhkəməsi gənc fəal Bəxtiyar Hacıyevin Cinayət Məcəlləsinin 321.1-ci maddəsi ilə (hərbi xidmətdən yayınma) təqsirli bilərək 2 il müddətinə azadlıqdan məhrum olunması barədə hökm çıxarıb.
Hüquq müdafiə təşkilatları hesab edirlər ki, 2010-cu il parlament seçkilərində deputatlığa namizəd olmuş gənc fəal facebook-da gənclərin 11 mart “Böyük xalq günü” etiraz aksiyasını təyin edən qrupun üzvü olduğuna görə həbs olunub.