Bu gün Naxçıvan Şəhər Apellyasiya Məhkəməsinin hakimi Əli Allahverdiyevin sədrliyi ilə “Azadlıq” radiosunun müxbiri İlqar Nəsibova 1 il müddətinə şərti həbs cəzasının kəsilməsindən verilən şikayəti üzrə məhkəmə hazırlıq iclası keçirilib.
Hakim tərəflərə hüquq və vəzifələrini açıqladıqdan və işin icraata götürüldüyünü elan etdikdən sonra məhkəmə prosesini 18 yanvar saat 10:00-a təyin edib. Bu məlumatı RATİ-yə jurnalistin həyat yoldaşı Məlahət Nəsibova verib.
Xatırladaq ki, dekabrın 6-da üç ay müddətinə həbs edilmiş "Azadlıq" radiosunun əməkdaşı İlqar Nəsibov dekabrın 10-da Apellyasiya Məhkəməsinin qərarı ilə sərbəst buraxılmışdı. Lakin həmin gün Naxçıvan Şəhər məhkəməsi tərəfindən Naxçıvan Dövlət Universitetinin rektoru, millət vəkili İsa Həbibbəylinin və həmin universitetin işçiləri Emin Ucar və Nizami Aloyevvin iddası əsasında İ.Nəsibova bir il müddətində şərti iş kəsilmişdi.