“Söz azadlığının və jurnalistlərin müdafiəsinə yardım fondu” həbsdə olan iki jurnalist – “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayevin və “Azadlıq” qəzetinin əməkdaşı Mirzə Sakitin (Sakit Zahidov) ailələrinə 400 ABŞ dolları məbləğində yardım edib.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən Demokratik Jurnalistlər Liqasının sədri Yadigar Məmmədli onu da bildirib ki, bu yardım jurnalistlərin ailələrinin müraciəti əsasında verilib. Y. Məmmədli onu da qeyd edib ki, “Söz azadlığı və jurnalistlərin müdafiə fondu”nun İdarə Heyətinin keçirilən iclasında daha bir jurnalist, “Yüksəliş Naminə” qəzetinin əməkdaşı Elçin Həsənovun və “Reytinq” qəzetinin redaksiyasının da müraciətlərinə baxılıb və onlara müvafiq olaraq 200 və 300 ABŞ dolları məbləğində yardım ayrılıb.