Dəvəçi rayon Polis Şöbəsinin (PŞ) rəis müavini Məmmədmusa Hüseynov “Yeni Müsavat” qəzetinin əməkdaşları Səbuhi Məmmədlini və Ervin Mirzəni məhkəməyə verib.
Bu barədə Reportyorların Azadlıq və Təhlükəsizlik İnstitutuna (RATİ) S.Məmmədli məlumat verdi: “Məmmədmusa Hüseynov barəmizdə Binəqədi rayon Məhkəməsinə Cinayət Məcəlləsinin 147 (böhtan) və 148-ci (təhqir) maddələri ilə xüsusi ittiham qaydasında şikayət verib”.
S.Məmmədli ona və həmkarına qarşı qaldırılmış iddianı əsasız hesab edir: “Biz Məmmədmusa Hüseynovu təhqir etməmişik . Dəvəçi rayonun Dağbilici kənd sakinləri olan Məcidova bacılarının müəmmalı şəkildə itkin düşməsindən sonra olayı araşdırmaq məqsədi ilə dəfələrlə Dəvəçi rayonunda olmuşam və bütün məqalələrim Məcidova bacılarının ailə üzvlərinə, həmçinin onların həmkəndlilərinə istinadən yazılıb. Bundan əlavə, Məcidova bacılarını oğurlamaqda ittiham olunan Dəvəçi rayonun Qələgah kənd sakinləri İsmayılov qardaşlarının məhkəməsində də Məmmədmusa Hüseynovun adı hallanıb. Məhkəmə iclasının birində qardaşlardan biri Təvəkkül İsmayılov bildirib ki, o, Məcidova bacılarını məhz Məmmədmusa Hüseynovun sifarişi ilə oğurlayıb”.
M.Hüseynov isə telefon söhbətində RATİ-yə bildirdi ki, jurnalistlər qərəzli şəkildə onu ağır cinayətdə ittiham ediblər: ”Mən Səbuhi Məmmədli və Ervin Mirzəni adımın əsassız olaraq ötən ilin yayında Dəvəçinin Dağbilici kəndində itkin düşən Nailə və Reyhanə Məcidova bacılarının taleyi ilə bağlı “Yeni Müsavat” qəzetinin araşdırmalarında hallandırmaları, şərəf və ləyaqətimi təhqir etmələri, işgüzar nüfuzuma zərər vurduqları üçün xüsusi ittiham qaydasında məhkəməyə vermişəm”. Polis Şöbəsi rəisinin müavini bu barədə Daxili İşlər Nazirliyinə (DİN) və Baş Prokurorluğa da müraciət etdiyini bildirdi.
M.Hüseynov isə telefon söhbətində RATİ-yə bildirdi ki, jurnalistlər qərəzli şəkildə onu ağır cinayətdə ittiham ediblər: ”Mən Səbuhi Məmmədli və Ervin Mirzəni adımın əsassız olaraq ötən ilin yayında Dəvəçinin Dağbilici kəndində itkin düşən Nailə və Reyhanə Məcidova bacılarının taleyi ilə bağlı “Yeni Müsavat” qəzetinin araşdırmalarında hallandırmaları, şərəf və ləyaqətimi təhqir etmələri, işgüzar nüfuzuma zərər vurduqları üçün xüsusi ittiham qaydasında məhkəməyə vermişəm”. Polis Şöbəsi rəisinin müavini bu barədə Daxili İşlər Nazirliyinə (DİN) və Baş Prokurorluğa da müraciət etdiyini bildirdi.