.jpg)
Dünən (21 yanvar) “İşgəncələr Əleyhinə” Azərbaycan Komitəsinin sədri Elçin Behbudov 15 saylı cəzaçəkmə müəssisəsində cəza çəkən “Tolışi sədo” qəzetinin baş redaktoru Novruzəli Məmmədovla görüşüb.
Bu barədə RATİ-yə Elçin Behbudov məlumat verdi: ”Cəzaçəkmə müəssisəsindən mənə bildirdilər ki, yanvar ayının 15-də “Tolışi sədo” qəzetinin baş redaktoru Novruzəli Məmmədov nəzarətçiyə qarşı kobudluq etdiyi üçün 15 sutka ərzində cərimə kamerasında saxlanmaqla cəzalandırılıb”.
Elçin Behbudovun sözlərinə görə o, baş redaktorun vaxtından əvvəl (21 yanvar tarixində o, cərimə kamerasından çıxarılıb) cərimə kamerasından çıxarılmasına nail olub. E. Behbudov həmçinin baş redaktorun səhhətində ciddi problemlərin olduğunu da bildirdi.
“Tolışi sədo” qəzetinin baş redaktoru Novruzəli Məmmədovun vəkili Hilal Məmmədov isə iddia edir ki, baş redaktorun cərimə kamerasına salınmasına göstərilən səbəb bəhanədir: “15 saylı cəzaçəkmə müəssisəsindən bildiriblər ki, guya Novruzəli Məmmədov müəssisənin xüsusi formasını geyinməkdən imtina edib və bu zəmində mübahisə yaranıb. Bu bəhanədir. 67 yaşlı baş redaktorun cərimə kamerasına salınmasında məqsəd ona mənəvi əzab verilməsidir. Biz öyrənmişik ki, Cinayət Məcəlləsinin 274 (vətənə xəyanət) və digər maddələri ilə azadlıqdan məhrum edilən şəxslərin mənəvi sıxıntı keçirmələri üçün onları cərimə kamerası ilə tez-tez cəzalandırırlar. Yaşlı və xəstə bir insanın cərimə kamerasına salınmağı isə yolverilməzdir”.
Elçin Behbudovun sözlərinə görə o, baş redaktorun vaxtından əvvəl (21 yanvar tarixində o, cərimə kamerasından çıxarılıb) cərimə kamerasından çıxarılmasına nail olub. E. Behbudov həmçinin baş redaktorun səhhətində ciddi problemlərin olduğunu da bildirdi.
“Tolışi sədo” qəzetinin baş redaktoru Novruzəli Məmmədovun vəkili Hilal Məmmədov isə iddia edir ki, baş redaktorun cərimə kamerasına salınmasına göstərilən səbəb bəhanədir: “15 saylı cəzaçəkmə müəssisəsindən bildiriblər ki, guya Novruzəli Məmmədov müəssisənin xüsusi formasını geyinməkdən imtina edib və bu zəmində mübahisə yaranıb. Bu bəhanədir. 67 yaşlı baş redaktorun cərimə kamerasına salınmasında məqsəd ona mənəvi əzab verilməsidir. Biz öyrənmişik ki, Cinayət Məcəlləsinin 274 (vətənə xəyanət) və digər maddələri ilə azadlıqdan məhrum edilən şəxslərin mənəvi sıxıntı keçirmələri üçün onları cərimə kamerası ilə tez-tez cəzalandırırlar. Yaşlı və xəstə bir insanın cərimə kamerasına salınmağı isə yolverilməzdir”.
Xatırladaq ki, N.Məmmədov vətənə xəyanətdə günahlandırılaraq 10 il müddətinə azadlıqdan məhrum edilib.