Bu gün (07 may) Ali Məhkəmədə hakim Vafəddin İbayevin sədrliyi ilə Müdafiə Nazirliyinin “Azadlıq” qəzetinə qarşı qaldırdığı iddia əsasında Apelyasiya Məhkəməsinin çıxardığı qərardan verilmiş kasasiya şikayətinə baxılıb.
Prosesdə qəzetin iddiası təmin edilməyib. Bu barədə RATİ-yə qəzetin vəkili Elçin Sadıqov məlumat verib.
Xatırladaq ki, Müdafiə Nazirliyi “Azadlıq” qəzetinə qarşı Yasamal rayon Məhkəməsində iddia qaldırmışdı. İddiaya səbəb qəzetdə dərc olunan “Ucuz ət müəmması” başlıqlı məqalə olub. Məhkəmə qəzetin 20 min AZN həcmində cərimələyərək iddiaçının hesabına ödənilməsi haqqında qətnamə çıxarmışdı. Sonradan qəzet apelyasiya şikayəti verilmişdi və Apelyasiya Məhkəməsi iddianı qismən təmin edərək cəriməni 10 min AZN-ə endirmişdi.