“Azadlıq” qəzetinin əməkdaşı Fikrət Hüseynli artıq bir neçə aydır ki, ölkədə yoxdur.
Hazırda o, Almaniyadadır. “Ria.az” saytının 20 iyun 2008-ci il tarixində Hüseynlinin dostlarına istinadən yaydığı xəbərdə bildirilir ki, jurnalist siyasi sığınacaq almaq üçün Almaniyanın miqrasiya xidmətinə müraciət edib.
“Azadlıq” qəzetinin baş direktoru Azər Əhmədov isə RATİ-yə yayılmış məlumatın dezinformasiya olduğunu dedi: “Son zamanlar qəzetimizlə bağlı xeyli dezinformasiyalar yayılır. Aqil Xəlilin sığınacaq istəməsi, burdan qaçmaq istəməsi və sair kimi yalan məlumatlar verilir. İndi isə mətbuata əməkdaşımız Fikrət Hüseynli ilə bağlı yanlış məlumatlar ötürürlər. Fikrət hal-hazırda Türkiyədə qohumlarının yanında istirahət edir. Onun Almaniyaya getməsi tamamilə yanlış məlumatdır”.