AZƏR ƏHMƏDOVUN MƏHKƏMƏ PROSESİ TƏXİRƏ SALINDI

may 22nd, 2009
Bu gün (22 may) Səbail rayon Məhkəməsində hakim Araz Hüseynovun sədrliyi ilə “Azadlıq” qəzetinin direktoru Azər Əhmədovun MTN və Baş prokurorluğun Ağır Cinayətlərə dair İşlər İstintaq İdarəsinin rəisi Eldar Əhmədova qarşı telefon danışıqlarının dinlənilməsinin qanunsuz hesab olunması ilə bağlı qaldırdığı iddia üzrə məhkəmə hazırlıq iclası keçirilməli idi.

Lakin tərəflər prosesə gəlmədiyindən hakim A. Hüseynov məhkəmə prosesini 27 may saat 15.00 – a kimi təxirə saldı.
Vəkili Elçin Sadıqovun sözlərinə görə, iddiada A. Əhmədovun telefon danışıqları dinlənilməsinin qanunsuz hesab edilməsi və dəymiş ziyana görə kompensasiya ödənilməsi göstərilir.
Qeyd edək ki, iddiaya səbəb Aqil Xəlilin işi üzrə istintaqın gedişi zamanı A. Əhmədovunda telefon danışıqlarının dinlənilməsi olub.