Həbsdə olan jurnalistlərin işinə yenidən baxılması ilə bağlı İnsan Haqları üzrə Müvəkkil Elmira Süleymanova prezidentə müraciət edib.
E. Süleymanova özü bu barədə RATİ-yə məlumat verib. O bildirib ki, müraciətdə məhbus jurnalistlərin işini yenidən araşdırılması və jurnalistlərin təqsirsizliyi sübut edildiyi təqdirdə onların azadlığa buraxılması xahiş olunur.
Süleymanova əlavə edib ki, müraciətdə konkret olaraq hər hansı bir jurnalistin adı öz əksini tapmayıb, müraciət bütün həbs edilmiş jurnalistləri nəzərdə tutur. Müvəkkil vurğulayıb ki, jurnalistlərin azadlığa buraxılacağına çox ümidlidir.