Fevralın 7-dən 8-nə keçən gecə saat 01.45-də Azərbaycanın «Azərspace-1» adlı peyki Fransanın Cənubi Amerikada yerləşən Qviana Kosmik Mərkəzinin Kuru kosmodromundan «Ariane Space» fransız şirkətinin raket daşıyıcısı vasitəsilə fəzaya qaldırılıb.
Çəkisi 3,2 ton «Azərspace-1» Malayziyanın peyk operatoru MEASAT şirkətindən icarəyə götürülən 46 dərəcə şərq uzunluğu orbital mövqeyində yerləşəcək. Dünyanın 30 ölkəsi ilə mövqe razılaşdırılması üzrə 7 illik prosesdən sonra o, öz mövqeyində – 43.2, 58.5 və 96 dərəcə şərq uzunluğunda yerləşəcək.
Azərbaycan hökumətinin sifarişi ilə Orbital Sciences Corporation (ABŞ) tərəfindən hazırlnan cihaz 17 mln dollara sığortalanıb və istismar müddəti 15 ildir.